Spuċċa l-Gemiem: aktar rakkonti...

Description

Dan il-ktieb inkiteb fuq medda ta’ snin u ridt niddokumenta aspett li kien parti essenzjali mill-ħajja soċjali Maltija ta’ dak iż-żmien. Kien żmien ieħor, żmien li ntilef, bħalma kienu jintilfu dawn ir-rakkonti kieku ma ġbarthomx. Biex wieħed jgħid kollox dwar dak iż-żmien, kien ukoll żmien ta’ ċertu għaks, faqar u anke ġuħ. M’iniex se nidħol fl-argument dwar jekk konniex aħjar meta konna agħar. Li hu żgur hu li mhux il-gamiem biss naqas, imma anke l-għasafar naqsu ħafna wkoll. Bħalma dejjem qed jonqsu n-nies li jiftakru memorji bħal dawn. U appuntu għalhekk kien importanti li nagħmel ħilti li nikteb il-ġrajjiet li smajt, qabel ikomplu jonqsu n-nies li kienu lesti u kapaċi jirrakkontawhom.